Татарстан чыгарылыш укучылары иң популяр фән буенча имтихан тапшыра

Бүген Татарстанда чыгарылыш сыйныф укучылары физика һәм җәмгыять белеме буенча БДИ тапшыра. Башка еллардагы кебек үк, җәмгыять белеме укучылар арасында популяр фән булып кала.

Чыгарылыш укучылары 36 биремне үтәргә тиеш була.

Физика буенча БДИ 3 сәгать 55 минут, җәмгыять белеме буенча 3 сәгать 30 минут дәвам итәчәк. Физика буенча минималь чик 36 балл тәшкил итә, җәмгыять белеме буенча 42 балл. Шул ук вакытта югары уку йортына керү өчен чыгарылыш укучылары физика буенча 39 баллдан ким булмаска тиеш, җәмгыять белеме буенча 45 баллдан ким булмаска тиеш.
Физика һәм җәмгыять белеме буенча БДИ нәтиҗәләрен имтиханнарда катнашучылар 20 июньдә үз мәктәпләрендә яки Рособрнадзорның рәсми сайтында «ГИА» бүлегендә белә алачак 
Бер фән буенча, шул исәптән физика һәм җәмгыять белеме буенча БДИ нәтиҗәсен яхшыртырга теләүчеләр моны 2024 елның 4 июлендә эшли алачак (бу очракта беренче нәтиҗә юкка чыгарылачак).