Татарстанда 111 укытучы һәм 37 укучы коронавирус йоктырган

Бу хакта журналистлар өчен оештырылган матбугат конференциясендә Россия кулланучылар күзәтчелегенең ТР буенча идарә җитәкчесе урынбасары Любовь Авдонина хәбәр итте.

“Балалар арасында бу чир барлык авыручыларның 3-4 процентын гына тәшкил итә. Балаларда коронавирус йоктыру очраклары олыларга караганда 10 тапкырга кимрәк. Вирус йоктыручыларның күпчелее - 44-64 яшьтәге кешеләр”, - ди Любовь Авдонина.

Аның сүзләренчә, уку елы башыннан укытучылар арасында коронавирус йоктыруның 111, укучылар арасында 37 очрагы теркәлгән.