#Кыскача яңалыклар 10 августа 2020, 14:55

Татарстанда беренче яшь гаилә социаль ипотека буенча фатир алачак

10 августа 2020, 14:55

Бу яңалыкны бүген Бөгелмә районында яшь гаиләләр белән очрашу вакытында ТР Президенты Рөстәм Миңнеханов җиткерде.

Скопировать ссылку

ТР Президентының матбугат хезмәте җитәкчесе Лилия Галимова сүзләренчә, очрашуга килүчеләрнең берсе шулай ук әлеге программада катнашырга теләвен белдергән һәм мондый мөмкинлек өчен Рөстәм Миңнехановка рәхмәт әйткән.

Президент фикеренчә, программа бик әһәмиятле, чөнки торак мәсьәләсе яшь гаиләләр өчен иң актуаль булып санала.

Исегезгә төшерәбез, элегрәк социаль ипотека программасында катнашу хокукына бюджет өлкәсендә эшләүчеләр генә ия булса, хәзер ул яшь гаиләләр өчен дә ачык.

Яшь гаиләләр фатирны 28,5 елга алырга мөмкин. Норматив буенча, ике кешелек гаиләгә – 42 кв.метр, өч һәм аннан да күбрәк әгъзалы гаиләгә – бер кешегә 18 кв.метр мәйдан каралган.

Кызыклы яңалыкларны күзәтеп бару өчен Телеграм-каналга кушылыгыз.

#социаль ипотека #торак алу #яшь гаилә