Татарстанда буран һәм көчле җил көтелә

ТР Гидрометеорология үзәге мәгълүматлары буенча, республикада кичке сәгать алтыдан соң, секундына 21 метрга кадәр көчле җил, кайбер районнарда буран башланачак, ә төнлә һәм иртән юлларда бозлавык барлыкка киләчәк.

Синоптиклар фаразы буенча, иртәгә Татарстанда болытлы булачак. Юеш кар явуы көтелә. Төнлә -4 градуска кадәр салкынайтачак, ә көндез 0дән 6 градуска кадәр җылытачак.