Татарстанда быел илкүләм проект кысаларында 200 чакрым юлны төзекләндереләчәк

Шул исәптән төбәк әһәмиятенә ия юллардагы 77 объект, Казанда 86 объект, Чаллы һәм Түбән Камада бишәр объект төзекләндереләчәк.

Юл-транспорт фаҗигаләре еш була торган урыннарда ясалма яктырту җайланмалары һәм светофрлар, шулай ук тротуарлар һәм тизлек җыю полосалары куелачак. 11 муниципаль районда төбәк әһәмиятенә ия юлларда 10 чакрым тимер коймалар кую планлаштырыла.

Илкүләм проект кысаларында 2024 елга Казан, Чаллы, Түбән Кама агломерациясендә юлларның 85 процентын тиешле таләпләргә җиткерү каралган. Бүгенге көндә Казан агломерациясендә 81,5 проценттан артык, Чаллы агломерациясендә – 76,7 процент, Түбән Кама агломерациясендә 65,6 процент юллар норматив торышка туры килә.

<iframe width="659" height="430" src="https://www.youtube.com/embed/6H2FwoQR610" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

Татар-информ