Татарстанда ишегалларын төзекләндерү проектлары турында фикер алышу башланды

Сүз 2020 елга программага кертелгән йортларны төзекләндерү турында бара. Халыктан килгән тәкъдимнәрне dvor.tatar сайтында, шулай ук 8 (800) 27-5-2020 кайнар линиясенең бердәм номеры буенча кабул итәләр.

Республикабыз кешеләренең барлык сорау-тәкьдимнәрен план-схема урнаштырылган вакыттан алып 3 көн эчендә - 12 апрельгә кадәр көтәләр. Сүз уңаеннан, схема-планнар dvor.tatar сайтында бастырылган инде.
 

Иртәгә, 10 апрельдә порталда республиканың барлык муниципаль районнарының барлык 341 ишегалды территориясе проекты барлыкка киләчәк.

2019 елда Татарстан ишегалларын төзекләндерү программасын Рөстәм Миңнеханов башлап җибәрде. «Безнең ишегалды» программасы кысаларында юлларны һәм тротуарларны ремонтлыйлар, тышкы яктырткычларны ремонтлыйлар, эскәмияләр һәм урналар, балалар мәйданчыклары урнаштыралар, шулай ук ТКО мәйданчыкларын оештыралар.