Татарстанда көнче ир хатынының талагын өзгән

Түбән Камада яшәүче ир, сәрхүш килеш 35 яшьлек хатынын кыйнаган. Талагы өзелгән һәм эченә зыян килгән хатынны Республика клиник хастаханәсенә китергәннәр. Хәзер әлеге факт буенча тикшерү эшләре бара.

Татарстанның эчке эшләр министрлыгы хәбәр итүенчә, спиртлы эчемлек куллану аркасында кылынган җинаятьләрнең күберсендә якыннары - күрше, ир яки хатын, балалар, туганнар зыян күрә. Шунлыктан эчкән кешегә каршы әйтмәскә, аның белән низагка керүдән сакланырга киңәш ителә.