Татарстанда коронавирус буенча барлык чикләүләр сакланачак

Бу хакта матбугат конференциясендә Роспотребнадзорның республика идарәсе башлыгы урынбасары Любовь Авдонина белдерде.
"Бүгенге көндә булган барлык чикләүләр коронавирус инфекциясе һәм грипп буенча эпидемиологик вәзгыять катлауланмас өчен сакланачак", - диде Авдонина. Санитар табиб гыйнварның беренче көннәрендә СОVID-19 белән чирләп китүнең 8% ка артып китүе турында сөйләде.