Татарстанда коронавируска каршы вакцинаның тулысынча куркынычсыз булуын аңлаттылар

"Спутник V" вакцинасын кадатканнан соң, коронавирус белән чирләп китү яки бу авыруны башкаларга йоктыру мөмкин түгел. Вакцинада Covid-19 китереп чыгаручы SARS-CoV-2 коронавирусы юк, аның нәтиҗәлелеге  91,4% тәшкил итә.

Россия Сәламәтлек саклау министрлыгының Гамалея исемендәге эпидемиология һәм микробиология милли тикшеренү үзәге хезмәткәрләре фикеренчә, авыр формаларны һәм үлем очракларын булдырмау 100% ка җитә.

Декабрьдә татарстанлылар коронавируска каршы вакцина кадата башладылар һәм алар арасында 60 яшьтән өлкәнрәк кешеләр күпчелекне тәшкил итә.