Татарстанда коронавирустан 9 табиб вафат булган

Татарстанда 9 медицина хезмәткәре COVID-19 корбаны булган. Бу хакта журналистлар өчен үткәрелгән матбугат конференциясендә Казан сәламәтлек саклау идарәсе башлыгы Владимир Жаворонков хәбәр итте.

"Медицина хезмәткәрләре - башка кешеләр кебек үк җәмгыятебезнең аерылгысыз өлеше, алар арасында да үлем- китем очраклары бар. Тугыз медицина хезмәткәре әлеге чир йогудан  үлеп киткән ", - диде Жаворонков.

Аның сүзләренчә, вафат булган өч табибның һөнәри эшчәнлек белән йоктыру бәйләнешләре табылмаган. Алты үлем очрагы буенча махсус тикшерү дәвам итә.

Фото: http://pixabay.com