#Кыскача яңалыклар 04 марта 2019, 13:28

Татарстанда кызына кунакка килгән әби өстенә кар төшеп үлгән

04 марта 2019, 13:28

2 мартта Лениногорск районы Тимәш авылында 1939 елгы пенсионер ханым кар астында һәлак була. Бу хакта Россия Тикшерү комитетының Татарстан буенча идарәче җитәкчесенең өлкән ярдәмчесе хәбәр итә.

Скопировать ссылку

Татарстан буенча тикшерү органнары башлангыч тикшерү уздыра.

Якынча мәгълүматлар буенча, берничә көн элек пенсионер кызына кунакка килә. Фаҗига көнне кызы белән кияве шәһәргә эш буенча китә. Өйләренә әйләнеп кайткач, түбәдән 2 метр тирәсе биеклектә төшкән кар көртенә тап була.

Хуҗалар ханымның гәүдәсен карт астыннан табып алалар. 80 яшьлек әби кар астында якынча өч сәгать яткан һәм буылып үлгән дип фаразлана.

Хәзерге вакытта мәрхүмәнең гәүдәсе экспертизага җибәрелгән. Фаҗиганең барлык нечкәлекләре тикшерелә. Тикшерү нәтиҗәләре буенча процессуаль карар кабул ителәчәк, дип яза Татар-информ.

Гөлнар Гарифуллина

Кызыклы яңалыкларны күзәтеп бару өчен Телеграм-каналга кушылыгыз.