Татарстанда нинди татар исемнәре һәм фамилияләре популяр?

ЗАГС Идарәсе җитәкчесе Гөлшат Нигъмәтуллина бу ресурсны ил буйлап таратырга өметләнә. Аның фикеренчә, сүзлек ярдәмендә Россиянең башка ЗАГСларында эшләүчеләр дә исемнәрне хатасыз яза башлар иде. Сүзлекнең электрон вариантына 3 меңнән артык ир-ат исеме, 2 меңләп хатын-кыз исеме һәм 3 меңләп фамилия тупланган. Исемлектә төрле вакытта популяр булган татар исемнәре һәм фамилияләре урын алган. Ресурс Интернетта урнаштырылачак. Сүз уңаеннан, сүзлекне төзүдә Г.Ибраһимов исемендәге Тел, әдәбият һәм сәнгать галимнәре дә катнашкан.