Татарстанда поезд 13 яшьлек малайның аягын өзгән

Бу хакта «Татар-информ» агентлыгына әлеге хәлне үз күзләре белән күргән кешеләр хәбәр иткән.

Гадәттән тыш хәл «Волга» тимер юл станциясе янында булган. Шаһитлар әйтүенчә, бер төркем баланың тимер юл рельслары буйлап паром кичүенә таба барышы булган. Балалар үзләре ягына таба хәрәкәт итүче составны абайламый калган һәм берсен поезд бәрдереп киткән.

Аягын поезд өзгән малайны Республика балалар клиник хастаханәсенә күчерергә әзерлиләр.

«Малайга операция ясадылар, ул аңына килде. Аны Республика балалар клиник хастаханәсенә күчерергә әзерлиләр», - дип хәбәр итте Сәламәтлек саклау министрлыгы матбугат сәркатибе Әлфия Хәсәнова.