Татарстанда социаль яктан мөһим объектларны төзекләндерү туктатылмаячак

“Без яңа шартларда яшәргә һәм эшләргә өйрәндек. Бүген Татарстан яшәү һәм эшләү өчен иң яхшы төбәкләрнең берсе”, - дип сүзен башлады Рөстәм Миңнеханов һәм Россия Президенты Владимир Путинга инициативаларны тормышка ашырырга ярдәм иткән өчен рәхмәтен белдерде.

Быелгы елда гына да Татарстанда  төзекләндерү эшләренә 60 млрд сумнан артык акча тотылган. Республикада социаль яктан мөһим булган объектларны төзекләндерү алга таба да дәвам итәчәк.