Татарстанда узган тәүлектә коронавирус белән авыруның 56 очрагы теркәлгән

Татарстанда узган тәүлектә коронавирус инфекциясе йоктыруның 56 яңа очрагы теркәлгән. Бу хакта ТР сәламәтлек саклау министрлыгының матбугат хезмәте хәбәр итә. "Аларның 2се - читтән кайткан кешедә ачыкланса, 54се - элемтә аша йоктырган. 9 кеше хастаханәгә озатылган, 47 кеше өйдә дәвалану ала ", - диелә хәбәрдә. Иң күп авыручылар - 30 яшьтән 50 яшькә кадәргеләр арасында, 21 кеше һәм 60 тан 70 яшькә кадәргеләр арасында, 20 кеше.

Бүгенге көндә пандемия башланганнан бирле, республикада Covid-19 йоктыруның 8930 очрагы теркәлгән. Бөтен чорда 7870 кеше савыкты, шул исәптән 43 тәүлектә.