#Кыскача яңалыклар 20 июля 2022, 17:24

Татарстанда ял базасында бер хатынны керпе тешләгән

20 июля 2022, 17:24

Яр Чаллыда яшәүче Елена исемле бер ханым балалары белән ял базасына ял итәргә килә. Кич белән йорт янында керпе чабып йөрүен күреп, балаларга күрсәтергә була.

Скопировать ссылку

«Мин аны тоттым. Балалар шатланды инде. Башта керпе түзде, тик аннан куркып калды булса кирәк, бармагымны тешләп алды. Мин хәтта сизмәдем, алар тешләми дип белә идем! Бармагым шешеп китте, икенче көнне табибларга мөрҗәгать иттем. Бүген котыру авыруыннан соңгы 6 нчы укол кадаттым. Башка бернинди керпене дә күрәсем дә килми» ,- дип сөйләгән Елена «Челнинские известия» басмасына.

«Җәнлекләрне кулга алырга ярамый! Керпенең тешләве генә түгел, аның энәсе дә куркыныч инфекцияләр: лишай, гөмбәчек инфекциясе, сальмонеллез белән зарарлауга китерергә мөмкин, - дип кисәтә 9нчы поликлиниканың гомуми практика табибы бүлеге мөдире Ольга Ионова. – Котыру авыруы йоктыру куркынычы бар. Инкубация чоры 10 көннән 3 айга кадәр дәвам итә. Аннары вирус үзәк нерв системасын зарарлый һәм кеше үлә».

Ольга Ионова кыргый хайваннарга кагылмаска киңәш итте: «сәламәтлегегез өчен шулай яхшырак булачак!» ди ул.

«Челнинские известия»

Кызыклы яңалыкларны күзәтеп бару өчен Телеграм-каналга кушылыгыз.