#Кыскача яңалыклар 17 июль 2021, 17:39

Татарстанда яшенле яңгырлар, көчле җил һәм боз явуы көтелә

17 июль 2021, 17:39

Якындагы берничә көндә Татарстанның аерым районнарында яшенле яңгырлар һәм боз явуы көтелә. Бу хакта ТР Гидрометүзәктә хәбәр иттеләр.

Скопировать ссылку

Иртәгә, 18 июльдә, урыны белән яңгырлар булачак, аерым районнарда - яшен көтелә, көндез - боз явуы ихтимал. Көндез термометр баганалары +27 +32градуска кадәр күтәреләчәк, ә төнлә +15 +20 градуска калачак.

19 июльдә Татарстанда явым-төшем көтелми, әмма төнлә кыска вакытлы яңгыр явачак. Төнлә минималь температура +16...+21 градус. Көндез һаваның максималь температурасы +28 +33 градус булыр дип көтелә.

20 июльдә, Гидрометүзәк хәбәр иткәнчә, республикага җилнең тизлеге секундына 15-20 метрга кадәр көчәячәк, яшенле яңгыр явуы бар, көндез шулай ук боз явуы да фаразлана. Көндез һава температурасы +28..+33 градус, ә төнлә термометр баганалары +17 +22 градуска кадәр төшәчәк.

Фото: http://pestrecy-rt.ru

Кызыклы яңалыкларны күзәтеп бару өчен Т елеграмга кушылыгыз.