Татарстанда юл бәясен ел саен арттырырга тәкъдим иттеләр

Мондый тәкъдим белән Татарстан Тарифлар буенча дәүләт комитеты җитәкчесе Александр Груничев чыкты. Ул пассажир транспортында йөрү өчен уртача түләүне ел саен 1 сумга күтәрергә тәкъдим итте, дип яза "Ъ" басмасы. Аның сүзләренчә, мондый яңалык тарифның кискен артуыннан котылырга ярдәм итәчәк.
- Транспортта кайбер сәбәпләр аркасында шундый вәзгыять туды, тарифлар коммуналь өлкәдәге кебек өч елга бер яки биш елга бер тапкыр үсә бара. Ә без аларны ел саен үстерергә тәкъдим итәбез, - дип билгеләде Груничев. Хәзерге вакытта бу мәсьәлә эшләнелә, дип тә өстәде ул. - Указ әлегә әзер түгел. Бу мәсьәлә башкарма комитет тарафыннан җайга салына. - диде Груничев.

Дамир Бәдриев фотосы