Татарстандагы иң яхшы автоледи исеме билгеле
Казанда яшәүче Елизавета Заһидуллина «Автоледи-2023» республика машина йөртү осталыгы конкурсында җиңде.
Казанда яшәүче Елизавета Заһидуллина «Автоледи-2023» республика машина йөртү осталыгы конкурсында җиңде.
Финал ТР башкаласында узды, ул 45 автоһәвәскәр хатын-кызны берләштерде.
Конкурста катнашучылар өчен өч сынау әзерләгәннәр. Башта алар юл хәрәкәте кагыйдәләре буенча теоретик имтихан тапшырдылар, аннары махсус күнегүләр башкарганда җиңел автомобиль белән идарә итү осталыкларын күрсәттеләр. Соңыннан катнашучылар үзләрен «Юл хәрәкәте иминлегенә хатын-кыз карашы» иҗат этабында күрсәттеләр.
Конкурс йомгаклары буенча икенче урынны – Норлат районыннан Наталья Львова, өченче урынны Казан вәкиле Миләүшә Исмәгыйлова алды. Призерларга дипломнар, кубоклар һәм бүләкләр тапшырдылар, дип хәбәр иттеләр ТР буенча Эчке эшләр министрлыгының Дәүләт автоинспекциясендә.
Конкурс тарихы 1998 елдан башлана, ул беренче тапкыр Яр Чаллыда узды. Бер елдан соң ярышлар ТР башкаласында үткәрелә башлады, ә 2000 елдан алар республикакүләмгә әйләнде, дип яза kzn.ru.
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар