#Кыскача яңалыклар 17 ноября 2021, 14:27

Татарстанга аномаль җылы һава килә

17 ноября 2021, 14:27

КФУ профессоры казанлыларны аномаль җылылык һәм кар яву турында кисәтте.

Скопировать ссылку

КФУ профессоры казанлыларны аномаль җылылык һәм кар яву турында кисәтте.

Якындагы 5 көн дәвамында Казанда аномаль җылылык хакимлек итәчәк. Бу хакта бүген КФУ профессоры Юрий Переведенцев хәбәр итте.

"Аномаль җылылык күзәтелә. Уртача тәүлеклек температура климат нормаларыннан өч градуска югарырак. Хәзер Казанда уртача тәүлеклек температура -3 градус булырга тиеш. Җылылык хакимлек итүе безнең циклонның көньяк перифериясендә булуыбызга бәйле. Циклон көнбатыштан көнчыгышка таба бара, һәм атна ахырына безнең аша фронтлар узачак, явым-төшемнәр булачак ", - диде ул.

ТР Гидрометеорология һәм әйләнә-тирә мохитне күзәтү идарәсе фаразлары буенча, шимбә көнне шәһәрдә 8,5 мм кар явачак. Әмма киләсе атна башында шәһәргә салкын һава киләчәк, уртача тәүлеклек температура нормага киләчәк.

Кызыклы яңалыкларны күзәтеп бару өчен Телеграм-каналга кушылыгыз.