#Кыскача яңалыклар 21 октября 2017, 12:41

Татарстанлыларга салымнарны түләү вакыты турында искә төшерделәр

21 октября 2017, 12:41

2 млн 300 мең татарстанлы 1 декабрьдән дә соңга калмыйча милек өчен салымнарны түләп бетерергә тиеш, дип искә төшерә Татарстан буенча Федераль салым хезмәте идарәсе матбугат хезмәте. Бу шәхси фатиры, йорты, җире, гараж яки машина кую урыны, автомобиль яисә төзелеп бетмәгән төзелеш объекты булган кешеләргә кагыла. Аларга махсус хат белән...

Скопировать ссылку

Интернеттан шәхси кабинет аша түләүчеләргә дә белдерү кагәзе электрон рәвештә генә юлланачак, андыйлар 650 кеше исәпләнә.

Әгәр дә ниндидер сәбәпләр белән белдерү кәгазе килмәгән икән, яшәү урыны буенча салым инспекциясенә мөрәҗәгать итәргә кирәк.

Шулай ук алдагы өч ел өчен салымнарны тикшерү мөмкинлеге дә бар. «2017 елның 1 декабренә салым күләме алдагы елларда салымнарның түләнү-түләнмәвенә карап исәпләнелә», - дип аңлата Татарстан буенча Федераль салым хезмәте идарәсе матбугат хезмәте.

Квитанция килгәч, салымнарны банкта, «Электрон хөкүмәт» терминалы аша, шулай ук, интернеттан шәхси кабинет аркылы түләргә мөмкин.

10 һәм 11 ноябрьдә салым инспекцияләрендә ачык ишекләр көне оештырыла. Теләге булган һәр кеше үзен кызыксындырган сорауларга җавап таба ала.

#250