Татарстанның 12 мәктәбе ТОП-200 мәктәп арасында

Бу исемлек RAEX агентлыгы тарафыннан ел саен төзелә. Иң яхшы мәктәпләр  арасында Казанның 131нче лицее, 2нче лицее, КФУның IT-лицее, Н.И. Лобачевский исемендәге лицее, Иннополис лицее, 7нче лицей-интернаты, Россия Герое А.В.Козин исемендәге 7 нче гимназиясе, лицей - инженерлык үзәге һәм 19 нчы гимназиясе. Шулай ук Чаллының 26нчы гимназиясе, Яшел Үзәннең 3нче гимназиясе һәм Әлмәтнең 2нче лицее да иң яхшы муку йортлары арасында. 

Рейтинг төзегәндә, нигез итеп теге яки бу мәктәпне мәктәпне тәмамлаучылар илебезнең әйдәп баручы вузларына керүе турындагы мәгълүмат алынган. Белгечләр фикеренчә, төбәк мәктәпләренең елдан-ел көндәшлеккә сәләтлелеге үсә бара. Рейтингка кергән мәктәпләрнең 70% ка якыны Мәскәүдә урнашмаган. 

Исемлектә Россиянең 38 төбәгендәге уку йортлары тәкъдим ителгән. Иң яхшы мәктәпләр саны буенча республикабыз Мәскәү, Мәскәү өлкәсе, Санкт-Петербург һәм Свердловск өлкәсеннән генә калышып, рейтингта 5 нче урында тора.