Татфондбанкта акча саклаган 43,8 мең кешегә иминият акчалары түләнде

27 гыйнварның көндезгә 12.00 сәгатькә булган мәгълүматларга караганда, Татарстанның "Татфонбанк"ында акчаларын саклаган 43,8 мең кеше банк-агентлар аша иминият түләүләрен алган.

Түләүләрнең гомуми суммасы 18,8 миллиард сум булган, бу - Кертемнәрне иминиятләштерү буенча агентлык җаваплылыгындагы түләүләрнең 35 процентын тәшкил итә. Бу хакта мәгълүмат "Татфондбанк"ның рәсми сайтында урнаштырылган.

^{"Татар-информ"}