«Татмедиа»да бәхетле балачак күргәзмәсе ачылды

Биредә “Сабантуй”, “Ялкын”, “Салават күпере” балалар журналлары фотографлары — Анна Арахамия, Ильназ Мөхәрләмов, Ринат Нәҗметдинов, Владимир Васильев эшләре тәкъдим ителде. Күргәзмә балаларны яклау көненә багышланган.

– Моңа кадәрге күргәзмәләребез авыр темаларга багышланган иде. Ә хәзер шатлыклы вакыйга – балаларның елмайган фотолары безнең диварларны бизәп торачак. Олылар балалар һәрвакыт шулай шат күңелле булсын өчен бөтен шартларны да тудырырга тиеш, минемчә, - диде «Татмедиа» акционерлык җәмгыяте генераль директоры Андрей Кузьмин.
Күргәзмә 1 июльгә кадәр эшлиячәк.    

Фото: Татар-информ