#Кыскача яңалыклар 27 апрель 2019, 17:56

Татарстанда коточкыч юл һәлакәтендә 3 хатын-кызның гомере өзелгән

27 апрель 2019, 17:56

Татарстанның Буа районында юл кырыена төшеп киткән «Опель» җиңел машинасында өч хатын-кыз үлгән. Бу турыда Татарстан буенча Эчке эшләр министрлыгы матбугат хезмәтендә хәбәр иттеләр.

Скопировать ссылку

Татарстанда коточкыч юл һәлакәтендә 3 хатын-кызның гомере өзелгән

«Беренчел мәгълүматлар буенча бүген иртән Иске Мәртле-Әлши юлының беренче чакрымында «Опель» белән идарә итүче 38 яшьлек хатын-кыз куркынычсыз тизлек сайламаган, идарәне югалткан һәм юл кырыена төшеп киткән», – дип ачыклык керттеләр ведомство матбугат хезмәтендә.

Һәлакәт аркасында машина йөртүче хатын-кыз, 23 яшьлек һәм 40 яшьлек пассажир хатын-кызлар имгәнүләрдән һәлакәт урынында үлгән. 35 яшьлек пассажир хатын-кызны күпсанлы имгәнүләр белән Үзәк район хастаханәсенә озатканнар.

Пассажирларның куркынычсызлык каешларын эләктермәве ачыкланган. һәлакәт урынында ЮХИДИ инспекторлары эшли. Юл-транспорт һәлакәте килеп чыгу сәбәпләре ачыклана.

Татар-информ

Кызыклы яңалыкларны күзәтеп бару өчен Т елеграмга кушылыгыз.