Түбән Камада “Ак Барс” белән “Нефтехимик” очраша

Бүген Түбән Камада 19.00 сәгатьтә Казанның "Ак Барс" командасы "Нефтехимик" белән очраша.

Әлеге матчны "ТНВ" - "Татарстан - Яңа гасыр" телеканалы аша турыдан-туры трансляциядә карап булачак.

Бу сезонда көндәшләр бер-берсе белән 4 тапкыр уйнады: Түбән Камада - 3:2 (Малыхин, Никулин, Песонен; Я.Альшевский, Секстон) һәм 4:1 (Малыхин, Варнаков, Бурмистров, Петров; Эронен), Казанда - 3:2 (Петров, Брукбэнк, Азеведо; Секстон, Андерсон) һәм 1:2 (Мирнов; Здунов-2), дип хәбәр итә "Ак Барс" командасы матбугат хезмәте.