Түбән Камада һәлак булган участковыйның гаиләсенә ипотека кредитын түләргә ярдәм итәчәкләр
Түбән Камада хезмәт вазифасын үтәгәндә һәлак булган Динар Саматовның гаиләсенә социаль ипотека кредитын түләргә ярдәм итәчәкләр. Айдар Метшин бүген эшлекле дүшәмбе киңәшмәсендә шул хакта хәбәр итте.
Түбән Камада хезмәт вазифасын үтәгәндә һәлак булган Динар Саматовның гаиләсенә социаль ипотека кредитын түләргә ярдәм итәчәкләр. Айдар Метшин бүген эшлекле дүшәмбе киңәшмәсендә шул хакта хәбәр итте.
«Бу фаҗига тәртип сакчыларының үз гомерләре бәрабәренә шәһәр халкының тынычлыгын һәм иминлеген тәэмин итүләре хакында сөйли. Без бу хакта һәрдаим истә тотарга һәм әлеге һөнәр ияләренә карата рәхмәтле булырга тиешбез», - дип искәртте бүген эшлекле дүшәмбе киңәшмәсендә Түбән Кама мэры Айдар Метшин.
«Татар-информ» агентлыгы 22 март көнне Түбән Кама полиция бүлеге янында 19 яшьлек көллият студенты, участковый янына килеп, аның муенына берничә тапкыр пычак белән кадавы хакында хәбәр иткән иде. Икенче көнне 33 яшьлек Динар Саматов белән хушлашырга йөзләгән кеше килде.
Фото: ntr-24.ru
Комментарийлар