Түбән Камада янгын вакытында зыян күргән ике кешене Казанга күчергәннәр

Бу хакта ntr-24.ru хәбәр итте.

Казанга аларны төнге 1:30да Гадәттән тыш хәлләр министрлыгының Ми-8 вертолеты белән китергәннәр.

– Зыян күрүчеләрнең хәле авыр дип бәяләнә, әмма очышны алар яхшы кичерделәр. Хәзер алар Казанның республика клиник хастаханәсендә, - дип хәбәр итте Россия Гадәттән тыш хәлләр министрлыгының Татарстан Республикасы буенча баш идарәсе матбугат хезмәте җитәкчесе Андрей Родыгин.

Зыян күрүчеләр исемлегендә 17 кеше исәпләнә: аларның сигезе район хастаханәсендә, җидесе - Чаллыда, икесе Казан хастаханәсендә дәвалана.

^{Фото: МЧС по РТ}