#Кыскача яңалыклар 21 апреля 2017, 08:00 Уку өчен 2 минут

Түләүле медицинадан зарланучылар саны 3 тапкыр арткан

21 апреля 2017, 08:00

Уку өчен 2 минут

Россиядә яшәүчеләрдән соңгы биш елда түләүле медицина учреждениеләренең хезмәт күрсәтү сыйфатына зарлар өч тапкыр артыграк килә башлаган. Бу хакта "Татар-информ" "Известия" газетасы Россия президенты Владимир Путинга Россия Дәүләт Советының "Илкүләм кулланучылар хокукларын яклау системасы турында"гы докладына сылтама белән җиткерә.

Скопировать ссылку

Экспертлар фикеренчә, зарлар шәхси оешмаларның эш сыйфаты түбәнәюдән бигрәк бу өлкәдә базарның киңәюенә бәйле. Шулай да, 2015 ел белән чагыштырганда, Россия сәламәтлек саклау күзәтчелеге федераль хезмәте узган ел нәтиҗәләре буенча медицина ярдәме күрсәтүдә кимчелекләрнең 30 процентка артуын җиткергән.

Ведомство тарафыннан билгеләнгән проблемаларда 5,4 мең очракта клиникаларның тулысынча җиһазланмавы һәм 1,9 мең фактта медицина учреждениеләре эшчәнлегенә булган таләпләрнең үтәлмәве торган.

Пациентларны яклау лигасы җитәкчесе Александр Саверский фикеренчә, дәгъвалар саны түләүле медицина учреждениеләре саны арту белән нисбәтле. Биш ел элек россиялеләр медицина хезмәтләренә якынча 2 трлн сум тоткан булсалар, узган ел ул - 3,2 трлн булган. Моннан тыш, бәяләр артуга бәйле рәвештә кулланучылар үз хокукларны күбрәк яклый башлаган.