“Толстой елы” бәйгесенең җиңүчеләре билгеле булды

“Бәйгедә 207 эш кабул ителде. Җиңүчеләрне ачыклау кыен булды. Шуңа күрә аларны лототрон ярдәмендә билгеләдек. Җиңүчеләрне билгеләү һәм игълан итү күренеше турыдан-туры эфирда алып барылды. Өч баланы җиңүче дип таптык”, - диде “Салават күпере” балалар журналы редакциясенең баш мөхәррире Зилә Хөснетдинова.

Җиңүчеләр исемлеге:
1. Зәринә Низамова – Биектау районы, “Тургай” балалар бакчасы;
2. Самат Идиятуллин – Тәтеш районы, “Рябинушка” балалар бакчасы;
3. Әдилә Сәләхетдинова - Арча районының 2нче номерлы мәктәбе.

Җиңүчеләргә үзләре теләгән бүләкләр тапшырылды. Балалар сораган бүләкләр арасында курчак, Лев Толстой китабы һәм 3D ручка бар.

Тантана барышында “Салават күпере” редакциясе “Чемпион буласым килә!” бәйгесенең дә җиңүчесен бүләкләде. Ул Кайбыч районыннан Әмин Сәләхов булды.

Марат Мөбарәкшин

Татар-информ