Калинин урамында машина бәрдергән ир хастаханәдә үлгән

ЮХИДИ хәбәр иткәнчә, һәлакәт урыныннан ирне 7 нче шәһәр хастаханәсенә, ә баланы - ДРКБга озатканнар. Ир-атның башы һәм муенында төрле җәрәхәтләр булган, хәле бик авыр дип исәпләнгән.

7 яшьлек бала төрле дәрәҗәдәге тән җәрәхәтләре алган, аның хәле уртача авырлыктагы дип бәяләнә.

41 яшьлек ир-ат аңына килә алмыйча соңрак хастаханәдә вафат булган. Хәзерге вакытта авария урынында ЮХИДИ хезмәткәрләре эшли, һәлакәт шартлары ачыклана.