#Кыскача яңалыклар 18 марта 2019, 14:54

Тәрбиягә алынган гаиләләрдән 100ләп бала кире приютларга кайтарылган

18 марта 2019, 14:54

2018 елда Татарстанда 100 ләп бала үзләрен тәрбиягә алган гаиләләрдән кире приютларга кайтарылган. Бу хакта бүген Дәүләт Советының 46нчы утырышында Татарстан Премьер-министры урынбасары – мәгариф һәм фән министры Рафис Борһанов әйтте.

Скопировать ссылку

«Кызганыч, мондый очраклар бар. Опекун гаиләләрдән былтыр 100гә якын бала кире приютларга кайтарылды», - диде министр. Аның сүзләренчә, моның сәбәпләре берничә: ятимнәр йортларына алар я ата-аналарның баш тартуы, яки яшәү шартлары нормага җавап бирмәгәнлектән кайтарылган.

Рафис Борһанов ятимнәр йортына кире әйләнеп кайткан балалар белән психологлар эшләвен әйтте. «Без шунда ук аларны кайсы гаиләләргә урнаштырып булу турында уйлыйбыз», - диде ул.

Татар-информ