Төркиядә автобус катнашындагы авариядә зыян күргән россиялеләрнең хәле ничек?

Төркиядә автобус белән булган юл-транспорт һәлакәтендә зыян күргән дүрт россиялегә операция ясаганнар, дип хәбәр итә РИА Новости.
Барлык зыян күрүчеләр дә табиблар күзәтүе астында.

"Дүрт пациент авыр хәлдә. Аларга операция ясалган, авырулар реанимация бүлегендә. Төрле дәрәҗәдәге җәрәхәтләре булган башка зыян күрүчеләр өстәмә тикшеренүләр уза. Медицина белгечләренең раславынча, аларның тормышына бернинди куркыныч янамый", - дип өстәде ул.

Күрсәткечләргә карап, һәр очрак буенча амбулатор дәвалау яки алга таба госпитализация турында карар кабул ителәчәк.
Моннан тыш, генераль консуллык хезмәткәрләре хастаханәләрдә зыян күрүчеләр белән аралашкан һәм аларны дәвалаучы табиблар белән сөйләшү үткәргән.
Моннан тыш, Россия вәкиллеге җирле хакимият, иминият компаниясе һәм ритуаль хезмәт белән бергә һәлак булганнарның гәүдәләрен туган якларына кайтар өчен документлар әзерли.

Авария 2 августта Сиде районында, Анталья провинциясендә килеп чыккан. Туристлар ташучы автобуста 22 россияле булган, аларның өчесе һәлак булган. Биш кеше авыр тән җәрәхәтләре алган.
Полиция мәгълүматлары буенча, машина йөртүче идарәне югалта, транспорт чарасы бүлү линиясен кисеп чыга һәм каршы якка чыгып, әйләнеп каплана.
Фото: видеодан скриншот