Тәтештә яшәүче бер хатын тәмәкесен балаларының тәненә басып сүндергән

Тәтештә яшәүче 25 яшьлек хатынга карата җинаять эше ачканнар. Ул балаларын җәзалауда шикләнелә. Үзе дә, аның белән бергә торучы ир дә 2015 һәм 2016 елгы ир балаларын кыйнауда гаепләнәләр. Моннан тыш әниләре тәмәкесен балаларының тәненә басып сүндерә торган була. Балаларның тәннәрендәге кыйналган һәм тәмәке эзләрен әбиләре күреп ала да табибка мөрәҗәгать итә. Анысы полициягә хәбәр итә. Балаларның әниләре үз гаебен таныган. Балаларны хәзергә приютта яши.

Фото: https://pixabay.com/