Бүген иртән Башкортстанның Белорецк шәһәрендә 29 яшьлек ир-ат 9 катлы йорт түбәсеннән вентиляция шахтасы аркылы подвалга егылып төшкән.
Бу хакта «Татар-информ» «Башинформ» агентлыгына сылтама белән хәбәр итә.
Этен урамга йөртергә алып чыккан бер хатын-кыз, ярдәм сорап кычкырган тавышлар ишетеп, коткаручыларны чакырган. Алар могҗиза белән исән калган ир-атны подвалдан чыгарып, ашыгыч ярдәм табибларына тапшырган.
Гадәттән тыш хәл булган урынга полиция хезмәткәрләре дә килгән. Алар зыян күрүченең түбәгә ничек һәм нинди максат белән менүен ачыклый.
Комментарийлар