Тугыз яшьлек кыз үләренә ярты сәгать кала үзен үтерүче турында хәбәр иткән. "Тик-ток" аша...

17 февраль көнне Байкал аръягында коточкыч хәл булган. Күршедә яшәүче исерек ир-ат ишек аша 9 яшьлек кызга ике тапкыр аткан. Пуля кызның йөрәгенә һәм башына тигән. 1988 елгы иргә карата җинаять эше ачылган. Үләренә ярты сәгать кала кыз "Тик-Ток"ка видео яздырган. Анда ул исерек күршеләренең ишек шакуын һәм каты итеп сүгенүен сөйләгән. Әтисенең кибеткә китүен һәм өйдә үзе генә булуын да әйткән.