Украинада һәлак булган хәрби хезмәткәрләрнең гаиләләренә ике миллион сум бүлеп бирәчәкләр

Украинада махсус операция вакытында һәлак булганнарның гаиләләре республикадан матди ярдәм алачак - Татарстан Президенты Рөстәм Миңнехановның бүгенге Указы нигезендә ике млн сум түләнәчәк.

Элегрәк Россия президенты Владимир Путин һәлак булганнарның гаиләләренә 7 млн 421 мең сум күләмендәге бер тапкыр бирелә торган пособие түләнүе турында хәбәр итте. Моннан тыш, Россиядә һәр ай саен Украинада махсус операция уздыру барышында һәлак булган хәрби хезмәткәрнең гаиләсенең һәр әгъзасына акчалата компенсация түләнәчәк.