#Кыскача яңалыклар 11 января 2019, 11:36

Укучыларга мәктәпкә ашамлык алып килүне тыялар

11 января 2019, 11:36

Россиядә мәктәп укучыларына мәктәпкә ашамлыклар һәм әзер ризыклар алып килүне тыячаклар. Бу хакта Роспотребнадзорның федераль порталда урнаштырылган норматив хокукый актлар проектында әйтелгән.

Скопировать ссылку

Әлеге тыюдан тыш анда ризык әзерләү буенча киңәшләр дә бирелгән. Әлеге документта йомырка тәбәсенең максималь калынлыгы 4 сантиметрдан артмаска, сосисканы 5 минуттан да ким пешермәскә, бутербродларны бер сәгатьтән артык сакламаска дигән күрсәтмәләр дә бар.

Тагын бер яңалык: мәктәп ашханәләрендә алюминий савыт-сабы куллану тыела һәм 12 яше җитмәгән балаларны дежурлыкка куярга ярамый диелгән.

Соңгы вакытта популярлык казанган кислород коктелен исә табиб рөхсәте буенча һәм медицина хезмәткәре күзәтүе астында гына кулланырга мөмкин булачак.

Алданрак мәктәп укучыларына баллы әйберләр һәм газировка сатуны тыю турында хәбәр иткәннәр иде.

Фото: РИА «Новости»/ Анастасия Рыбакова

Кызыклы яңалыкларны күзәтеп бару өчен Телеграм-каналга кушылыгыз.