Узган ел 68 мең казанлыга Россия паспортлары бирелгән

Узган ел 68 мең казанлыга Россия паспортлары (15%) бирелгән.
2020 елда карантин аркасында ябылган чикләр ачылганнан соң, казанлылар үзләре чит илгә сәяхәт итә башлаган. Татарстанның башкаласында 64 мең кешегә чит ил паспортлары бирелгән. 

Россия Эчке эшләр министрлыгының Казан буенча идарәсенең миграция мәсьәләләре бүлеге башлыгы Андрей Шулепов хәбәр иткәнчә, узган ел Татарстан башкаласында 68 мең кешегә яңа Россия паспортлары бирелгән. 
Россия Эчке эшләр министрлыгының Казан буенча идарәсендә теркәлгән тагын бер үзгәреш - миграция агымы үсеше. Казанга эшчеләр килә башлаган. Алар миграция исәбенә кую турында 155 мең гариза биргән, бу 2020 елга караганда өч тапкырга күбрәк.

- Безнең эшкә, әлбәттә, 2020 елда пандемия зур йогынты ясады. Чикләр ябылган иде бит. Чит ил паспортлары рәсмиләштерү һәм чит ил гражданнары килүе дә кимеде. 2021 елда һәм 2022 елның беренче кварталында барысы да акрынлап җанлана башланды. Нәтиҗәдә, чит ил паспортлары бирү саны 80 процентка артты, чөнки чартер рейслары эшли башлады һәм берничә ил белән өлешчә авиаэлемтә ачылды, - дип сөйләде Шулепов.