Владимир Этуш хастаханәдән чыккан һәм яңа сезонда сәхнәгә кайтачак

Баскычтан егылып төшеп, Склифосовский исемендәге фәнни-тикшеренү институты ашыгыч ярдәменә госпитализацияләнгән 95 яшьлек Владимир Этуш хастаханәдән чыккан. Бу хакта ТАСС хәбәр итә.

Вахтангов исемендәге театр директоры Кирилл Крок сөйләвенчә, Этуш кабаттан сәхнәгә 6 сентябрьдә ачылачак яңа сезонда чыгарга уйлый.

Искәртеп узыйк, Этуш хастаханәгә, шифаханә бинасына кергәндә, баскычтан егылып эләгә. 95 яшьлек актерның хәле авыр була, әмма табиблар артистка сәламәтләнергә ярдәм иткән.

6 майда Этушка 95 яшь тулды. Аны юбилее белән Россия Президенты Владимир Путин котлады.

^{_{«Татар-информ»}}