#Кыскача яңалыклар 26 сентябрь 2017, 08:00

Владимир Путин минималь хезмәт хакын арттыру турындагы канун проектын әзерләргә кушты

26 сентябрь 2017, 08:00

Россия Президенты Владимир Путин хөкүмәткә 10 октябрьгә кадәр Дәүләт Думасына минималь хезмәт хакын эшкә яраклы халыкның яшәү минимумы дәрәҗәсенә кадәр күтәрү турындагы канун проектын кертергә боерды.

Скопировать ссылку

Тиешле документ Кремль сайтында урнаштырылган, дип яза "Татар-информ", "Известия"гә сылтама белән.

Минималь хезмәт хакын күтәрү, Президент күрсәтмәсе буенча, ике этапта узарга тиеш: 2018 елның 1 гыйнварыннан – 85 процентка кадәр һәм 2019 елның 1 гыйнварыннан башлап – яшәү минимумының 100 процентына кадәр.

Йөкләмәнең үтәлеше өчен Россия Премьер-министры Дмитрий Медведев җаваплы итеп билгеләнгән.