Казанда 22-27 август көннәрендә узачак WorldSkills 2019 эшче һөнәрләре буенча дөнья чемпионаты катнашучыларын йөртү өчен 400 берәмлек транспорт әзерләгәннәр.
Шуларның 226сы – автобус, 59ы – микроавтобус һәм 128е – төрле класслардагы җиңел автомобильләр. Бу хакта Татарстан Республикасының транспорт һәм юл хуҗалыгы министры Ленар Сафин хәбәр иткән.
Шулай ук чемпионат катнашучыларын йөртү өчен шәһәр урамнарында аерым бер полоса бүлеп бирәчәкләр. Аккредитация узган кешеләр һәм волонтерлар шәһәр транспортыннан бушлай куллана алачак.
Комментарийлар