#Кыскача яңалыклар 30 декабря 2021, 10:42

Яңа елда - яңа авиарейслар!

30 декабря 2021, 10:42

Яңа елда казанлылар даими рәвештә Саранск һәм Магнитогорскига оча алачак.

Скопировать ссылку

Яңа елда казанлылар даими рәвештә Саранск һәм Магнитогорскига оча алачак.

Мордовия Республикасына авиарейслар 2 гыйнварда, Чиләбе өлкәсенә 3 гыйнварда җибәреләчәк.

Самолетлар һәр юнәлештә атнага ике тапкыр очачак. Мордовия башкаласына туры рейслар җомга һәм якшәмбе көннәрендә башкарылачак. Казаннан очыш 20:00 сәгатьтә, Саранск аэропортына килү 20:50 сәгатьтә планлаштырыла. Кире рейс 21:30 сәгатьтә, Казан аэропортына килү 22:20 сәгатьтә башкарылачак.

Магнитогорскига казанлылар дүшәмбе һәм чәршәмбе көннәрендә оча алачак. Казаннан очып китү 4:50 сәгатьтә, Магнитогорск аэропортына килү 8:15 сәгатьтә булачак. Кире рейс 9:10 сәгатькә, Казан аэропортына килү 8:25 сәгатькә билгеләнгән. Һәр аэропорт өчен җирле вакыт күрсәтелгән, Чиләбе өлкәсендә ул Мәскәү вакытына караганда ике сәгатькә алдарак.

Очышлар 50 урынга исәпләнгән CRJ-200 самолетларында тормышка ашырылачак, дип хәбәр итә «ЮВТ Аэро» матбугат хезмәте.

Чыганак

Кызыклы яңалыкларны күзәтеп бару өчен Телеграм-каналга кушылыгыз.