Җырчы Чулпан Йосыповага атказанган артист исеме бирелде

Татарстан Президенты имзалаган Указ нигезендә Г.Тукай исемендәге Татар дәүләт филармониясе артисты, җырчы Чулпан Йосыпова Татарстан Республикасының атказанган артисты дигән исемгә лаек булды.

Шул ук исем эстрада артисты Илсур Мортазинга да бирелгән.

Ә менә шагыйрә, «Адәм белән Һава» тапшыруының авторы һәм алып баручысы булып танылган Ләйлә Дәүләтова Татарстанның атказанган сәнгать эшлеклесе дигән мактаулы исемгә лаек булган.

Театр артистлары – Камал театрыннан Гөлчәчәк Гәрәева, Кариев театрыннан Фернат Насыйбуллин, Чаллы курчак театрыннан Минзария Туктарова да атказанган артист булды.

Фото: "Татар-информ"