Җырчы Динә Гарипова әни булды

Александр Градскийның музыкаль театрында эшләүче артист яңа туган сабыйның җенесен хәбәр итеп, үзенең хәле белән уртаклашкан.

Динә Гарипованың улы туган. Сабый 19 июньдә Мәскәү вакыты белән 23:00 сәгатьтә дөньяга килгән. Малайның авырлыгы-3220кг, буе— 51 см.

«Улым туды. Үзебезне яхшы хис итәбез. Изге теләкләр өчен барысына да рәхмәт» - дип язган социаль челтәрдәге сәхифәсендә яшь әни.

Язылучылары җырчыны мөһим вакыйга белән котлап язганнар. «Сәламәтлек сезгә һәм сабыйга! Ял итегез һәм тернәкләнегез"; " Хәерле юлга!» ; "Улыгыз сәламәт булып үссен һәм якыннарын үз казанышлары белән сөендерсен», — дип язалар Динәгә.