Җырчы МакSимга футболистлар акча күчерә

Әлегә аның хәле буенча үзгәрешләр юк. Шул ук вакытта коронавируска тапшырылган тесты да уңай түгел. Әмма җырчының үпкәләренең 40 проценты зарарланган.

“Хәзерге вакытта җырчының хәле тотрыклы. ИВЛдан аеру турында әйтергә иртәрәк, чөнки уңай якка үзгәрешләр юк. Хәзер аңа тест ясамыйлар. Табиблар ничек дәваларга икәнен белә”, - ди МакSимның вәкиле. 

Футбол буенча Россия җыелма командасы һәм “Спартак” егетләре МакSимның “Знаешь ли ты” җырының фанатлары булуын, МакSимны дәвалауга акча күчерәчәкләрен әйткән иде. МакSим Надежда Бабкина дәваланып чыккан хастаханәдә ята.