Үз изоляция чорында ялган белешмә сатучылар да табылган

Шушы көннәрдә карантинны бозган 61 кешегә карата протокол тутырылган. 7 фейк таратучы штрафка тартылган. Татарстан Президенты Рөстәм Миңнехановның матбугат үзәге җитәкчесе Лилия Галимова журналистларга хәбәр иткәнчә, ялган белешмә сатучылар да бар. Аларны полиция хезмәткәрләре тикшерә.

- Бүгенге көндә Казан, Чаллы, Әлмәт, Түбән Кама, Яшел Үзән, Лениногорск, Нурлат, Бөгелмә, Чистай, Азнакай, Баулы, Зәй, Менделеевскига керү-чыгу юллары ябылды. Юлларда ЮХИДИ, Росгвардия һәм полиция хезмәткәрләре кизүдә тора. Алар бөтен кешене дә туктатып, эштән бирелгән белешмәләрен сорый. Белешмәнең формасы Министрлар Кабинеты чыгарган формага туры килмәгәннәрен алып калалар, - диде Лилия Галимова.

Фото: https://pixabay.com/