#Кыскача яңалыклар 26 марта 2019, 10:57 Уку өчен 2 минут

Әзерлек дәвам итә

26 марта 2019, 10:57

Уку өчен 2 минут

Татарстанның профессиональ оешмаларында WorldSkills стандартлары буенча күрсәтмә имтиханнар тапшыру дәвам итә. Кичә шундый чараларның берсе Лениногорск музыка-сәнгать педагогика көллиятендә «Мәктәпкәчә белем бирү» компетенциясе буенча узды. Анда 30 кеше катнашты. Сынауны Воронеж өлкәсеннән килгән төп эксперт Анна Кузнецова уздырды.

Скопировать ссылку

Исегезгә төшерәбез, югары квалификацияле кадрлар әзерләр өчен, Татарстанда ресурслы үзәкләр булдырылды. Хәзерге вакытта аларның саны 31гә җитә.

WorldSkills фестивале кысаларындагы тагын бер чара Казан дәүләт энергетика университетында 25-28 март көннәрендә уза. Әлеге уку йорты Татарстан вузлары арасында тармак чемпионаты ачыла торган бердәнбер мәйдан буларак игътибарга лаек. Шунысын да искәртергә кирәк, бу сәнәгать предприятиеләре эшчеләре арасында электромонтаж буенча уздырыла торган IV Тармак чемпионаты һәм төп составтагы дүрт илнең (Россия, Швейцария, Бразилия, Бөекбритания) халыкара күнекмәләре була.

Шулай ук кичә «Электромонтаж» компетенциясен үстерү мәсьәләләре буенча халыкара экспертлар катнашында түгәрәк өстәл дә узды. Бу да әлеге чара кысаларында уза торган программа иде. Чемпионатта Бразилия, Швейцария, Бөекбритания, Иран, Белоруссия, Берләшкән Гарәп Әмирлекләреннән килгән экспертлар һәм ярышчылар катнашты.

Кызыклы яңалыкларны күзәтеп бару өчен Вконтактега кушылыгыз.

#WorldSkills фестивале