Үзизоляция шартларында Казан ТЭЦ-3 оешмасындагы эш ничек оештырылган?

Казан ТЭЦ-3 тә шулай эшлиләр дә. Биредә, үзизоляция режимы булуга карамастан, электр һәм җылылыкны өзлексез бирүне дәвам итәләр. Планлы чаралар да график буенча бара. Әмма яңа коронавирус инфекциясеннән саклану турында да онытмыйлар. Газ турбинасы генераторының капма-контактлы аппараты үзенең сигез мең сәгатен эшләгән. Хәзер аңа гына түгел, бөтен блокны урнаштыруга да планлы ремонт узарга туры киләчәк.
Ак махсус костюмнарны моңа кадәр дә кигән булсалар, битлекләрдә эшләргә күнегәләр генә.

- Барлык биналарда да антисептиклар бар. Бөтен персонал битлекләрдә йөри, перчаткаларын кия. Шулай ук әлеге чаралар кысаларында биналарны эшкәртү дә башкарыла - өслекләр, ишек тоткалары, өстәлләр, оргтехника, - дип сөйли Казан ТЭЦ-3нең ДТУ участогы башлыгы Илья Миналиев.

Персоналның бер өлешен читтән торып эшләүгә күчергәннәр. Әмма станцияләр белән дистанцион рәвештә генә идарә итү мөмкин түгел. Җиһаз тәүлегенә 24 сәгать контрольлек итүне таләп итә. Теләсә нинди ватылуны яки аварияне шунда ук компьютер мониторында күрергә мөмкин. Һәм монда һәр ике сәгать саен дезинфекция ясала. Ягу сезоны да дәвам итә. Станцияләрдә кирәкле ягулык запасы бар. Аның күләме ягу сезоны ахырына кадәр җитәчәк. Кулланучылар гына счетлар буенча вакытында түләргә онытмаслар иде.

- Бу безнең өчен киләсе чорга ягулык сатып алу һәм ремонт эшләрен башкару белән бәйле булачак. Түләүләр төшсә, энергетикларга бик авыр булачак, - дип аңлата Казан ТЭЦ-3нең баш инженеры Рәшит Әхмәтҗанов. коронавирус аркасында каникуллар инде үз төзәтмәләрен кертте. Энергия куллануның кимүе билгеләнде.