#Кыскача яңалыклар 25 декабрь 2021, 15:13

Зәмирә Рәҗәпова: "Үз бәһамне беләм!"

25 декабрь 2021, 15:13

Зәмирә Рәҗәпова инстаграмда язылучыларына ачык хат язган.

Скопировать ссылку

Зәмирә Рәҗәпова инстаграмда язылучыларына ачык хат язган.

"Җәмәгать, бигрәк тә хатын-кызлар! Сөйләшик әле.
Нишләп сез миңа шундый ямьсез сүзләр язасыз?! «Тазаргансың!», «дуңгыз кебек», «симез»... Сез мине бу хакта белми, дип уйлыйсызмы? Соң мин бит ул корсакны бәлеш ашап үстермәгән. Мин бит 3 бала анасы. Әйе, бу мине дә борчый. Әллә минем нечкә билле буласы килми, дип уйлыйсызмы? Ләкин диастаз (расхождение брюшных мышц) операция белән генә җыела. Аны ачып тегәргә кирәк! Моны мин пычрак астына кереп, кенә төзәтә алам. Ләкин әлегә моны эшли алмыйм. Балам кечкенә, гел кулда, Аллага шөкер, үсәбез, авырлыгы да бар. Төннәрен кайчак сәгатьлэәр буе тирбәтәм, ә операциядән соң бу мөмкин булмаячак. Аннары миңа бит инде 20 дә, хәтта 30 да түгел, 42 түтәгезгә. Регенерация дә әкренрәк бара. Пролактин дигән гармон да билдәге майлардан арынырга бирми, чөнки организм өчен мин бала имезүче ана, димәк ул мине саклый, сөт бирерлек булсын, дип тырыша. Не все так просто, урыс әйтмешли.

Сез бит күбегез бәби тапкан хатыннар, мине сез башкаларга караганда да ныграк аңларга тиеш. Һәм күп кенә шундый хат авторлары үзләре үк миннән күпкә өлкән, таза хатыннар.

Аңлыйм, баладан соң икәнне дә беләсез, мине кимсетер өчен, кеше алдында әйтеп, мыскыллар өчен язганыгызны да аңлыйм. Шулай итеп үзегезгә берничә секундка рәхәтлек алганыгызны да беләм. Ләкин, дускайларым, бу мине бәхетсез, сезне бәхетле итми. Ә ике яктагы фәрештә барысын да күреп, язып бара. Шуңа да Леопольд әйтмешли «әйдәгез тату яшик»!!!

PS: Бу постны язганда, усал телле апаларның минем борчылуымны күреп сөенүләре дә куркытмый. «Эхэээ», дип кулларын ышкып куюлары да нипачум... Чөнки мин кем өстенрәк, дип ярышмыйм. Үз урынымны һәм үз бәһамне беләм»! дип язган ул.

Кызыклы яңалыкларны күзәтеп бару өчен Т елеграмга кушылыгыз.

Язмага реакция белдерегез

Реакция язылган инде

Комментарийлар

Без имени

0

0

Исегез китмэсен узлэредэ бик ябык кешелэр тугелдер. Э сезгэ килешэ, бик матур. Комплкс кертэлэр инде кешегэ. Хорошего человека должно быть много дилэрдэ урыслар рэхэтлэнеп йорилэр

Без имени

0

0

Мин гомергә таза гәүдәле булмадым. Шулай да ике бала тапкач, яшь 45 тән узгач барыбыр киңәеп кителде. Кызларым да мине нечкәбил итеп күрәселәре килде бугай. Рәхәт яшибез, тәмле ашыйбыз бит инде. Ач торып эч бетерәм дип йөрмисең бит. Беркөн ябыгып киттем. 6кг.га. баксаң ки миндә шикәр диабеты икән. Хәзер, симез булуыма да исем китмәс иде. Ул шикәрне төшерү өчен нинди генә дарулар эчмим. Бик авыр, дуслар. Бер-беребездән көлмик. Аллаһы тәгалә саулыктан аермасын.